Bas naam ka hi ab ye HINDUSTAN reh gya hai...

Bas naam ka hi ab ye Hindustan reh gya hai.

Bhagwan ke naam par kitne thag hain.
Ek nahi alag alag hain.
Har koi mange uske naam ka,
Na jaane kitane rab hain.
Lut jayega Desh mera koi theek keh gya hai.
Bas naam ka hi ab ye Hindustan reh gya hai.

Sone ki chidiya tha kabhi Desh mera.
Veer yodhaaon ka tha ye pradesh mera.
Waqat ki maar ne dekho isko kaise hai ghera.
Sundar si ye basti thi jo ab Shamshaan reh gya hai.
Bas naam ka hi ab ye Hindustan reh gya hai.

Har jagah milta ab bhikhari kyun hai.
Har koi lagta ab balaatkari kyun hai.
Neta ab itna Bhrashtachaari kyun hai.
Waqat ke saath kyun logon ka imaan beh gya hai.
Bas naam ka hi ab ye Hindustan reh gya hai.

Izzat lutne se darti hai kyun ab naari.
Beti kyun pet mein jati hai maari.
Kab khatam hogi ye maro maari.
kyun paani si ho gyi hai ab soch humari.
Kyun maasoom ab itna Apmaan seh rha hai.
Bas naam ka hi ab ye Hindustan reh gya hai.

Kisanon par ho rha atyachaar kyun.
Badta hi ja rha hai bhrashtachaar kyun.
Gareebon ko padti hai ye maar kyun.
Badla sa hai byabhaar kyun.
Hra bhra tha kal tak jo ab Sumsaan reh gya hai.
Bas naam ka hi ab ye Hindustan reh gya hai.

Chain se jeeta hai ameer ab.
Khushi se loote hai faqeer ab.
Gareeb ko roti bhi na milti,
Sadhu khate hain paneer ab.
Ujda sa kyun ab ye jahaan reh gya hai.
Bas naam ka hi ab ye Hindustan reh gya hai.

By- Chander Shekhar Mankotia