INSAAN ho kuchh toh soch VICHAAR karo

Insaan ho kuchh toh insaanon sa byabhaar karo...
Kyun har pal hai soch tumhari haivaanon si...
Insaan ho kuchh toh soch vichaar karo...

Mushkil se hi bacha hai ab yahan insaan koi...
Har pal milte phirte yahan shaitaan kayi...
Pehle hi dukhi bahut hain masoom kayi...
Tum janwar bankar aur na atyachaar karo...
Insaan ho kuchh toh soch vichaar karo...

Siraf paisa hi kamaane ki cheez nhi hai duniya mein,,,
Kabhi toh izzat kamaane ke liye tum bhi paryaas karo...
DESH ke liye kuchh toh faraz hai apna bhi,,,
Ab har jagah par tum yun na bharashtachaar karo...
INSAAN ho kuchh toh soch vichaar karo...

Yun toh barson se poojtey aaye hain hum naari ko...
Kya sach mein pooja jata hai bechaari ko...
Yun baar baar na uski izzat se khilbaad karo...
Sabse apno jaisa tum byabhaar karo...
INSAAN ho kuchh toh soch vichaar karo...

Dukhi bahut hain desh mein gareeb bechaare...
Janam se hi phoote hain naseeb humare...
Ab aur na lachaaron par atyachaar karo...

INSAAN ho kuchh toh soch vichaar karo...
INSAAN ho insaanon sa byabhaar karo...

By- Chander Shekhar Mankotia.