ZINDAGI

ZINDAGI

Kahin tez dhoop hai toh kahin thandi chhanv hai...
kahin sumsaan jungle hai kahin ghanaa ganv hai zindagi...

kabhi jeet hai kabhi haar hai...
kahin nafrat hai kahin pyaar hai zindagi...

Kabhi mitti hai kabhi sona hai...
kahin hansna hai kahin rona hai Zindagi...

kahin sookha sa hai kahin hariyaali si hai...
kahin paani si hai kahin chaaye ki pyaali si hai zindagi...

Koi anjaan hai koi apna sa hai...
kabhi haqiqat si hai kabhi sapna sa hai zindagi....

kahin bhookh bahut hai kahin roti si hai...
kabhi lambi bahut hai kahin chhoti si hai Zindagi...

Koi gaata hi jaaye koi chup hi chup hai...
koi sukhi bahut hai, kahin dukh hi dukh hai Zindagi...

Koi roye bahut hai, koi sabko hi hansaaye...
Koi khud mein hi khush hai koi sabko behlaaye...

kahin tanhapan hai kahin yaar bahut hain...
kahin har koi begana hai, kahin dildaar bahut hain...

kahin kadwa sach hai kahin mitthi yaadein...
kahin adhure khawb hain kahin toote vaade Zindagi...

kahin marusathal hai kahin samudar ki lehar hai...
kahin banjar hi banjar kahin basaa shehar hai Zindagi...

Khatta meetha sa ehsaas hai...
Kabhi dur kabhi paas hai Zindagi...

By- Chander Shekhar Mankotia.